कारबाहीमा परे लिभरपुलका प्रशिक्षक क्लोप, के हो कारण

काठमाडौंः इंग्लिस क्लब लिभरपुलका प्रशिक्षक जोर्गेन क्लोप कारबाहीमा परेका छन् । एभर्टनसँगको डर्बी भिडन्तमा खुसीयाली मनाउने क्रममा दुर्व्यवहार गरेको भन्दै फुटबल एसोसिएशनले कारबाही गरेको हो ।

घरेलु मैदानमा एर्भटनविरुद्वको खेलमा ९६ औ मिनेटमा जित हाँसिल गरेपछि प्रशिक्षक क्लोपले मैदानमा दगुर्दै खुसीयाली बनाएका थिए । उनी गोलकिपर एलिसनसंग गएर अंगालो हालेर खुसी साटासाट गरेका थिए ।

लिभरपुलले सो खेल १–० ले जित्दै प्रिमियर लिगको लिग लिडर म्यान्चेष्टर सिटी भन्दा २ अंकले पछाडी रह्यो । क्लोपले अन्तिममा सो गतिविधिमा माफी मागेका थिए ।

जर्मन प्रशिक्षक क्लोपले भने, ‘म माफी माग्छु । किनकी मैले अपमान गर्न खोजेको होईन । तर मैले आफुलाई समाल्न सकिन् ।’

‘दौडने कुनै योजना थिएन तर जब मैले रोकिने इच्छा गरे तब म एलिसनको नजिक थिए । उनी आश्चार्यमा परेका थिए ।’ उनले थपे ।

एभर्टनका प्रशिक्षकले मार्को सिल्भाले क्लोपको गतिविधिमा कुनै टिप्पणी नरहेको बताएका छन् ।

एसोसिएशनले क्लोपलाई घटनाको बिषयमा स्पष्टिकरण सोधेको छ ।

सम्वन्धित समाचार

Leave a Comment